Diktawn chuan Miss Chapchar Kut 2023 atan Lalrammuani, Venghnuai an thlang a, 1st Runner up chu Manisha Laldinmawii, Sihphir niin, 2nd Runnner up chu Christy Lalrintluangi, Kanan a ni. 

Miss Chapchar Kut 2023 result puanna leh lawmman semna hi nimin khan Vogue Resort, Sakawrtuichhunah neih a ni. He hun ah hian Deputy Chief Minister Pu Tawnluia chu khuallian niin, Pu Lalruatkima, Cabinet Minister chu khualzahawm a ni - Pu T.J. Lalnuntluanga'n a uap bawk.

Rev. Ngurthanpara Sailo chuan Miss Chapchar Kut 2023 Top 10 te fuihna thu sawiin, Pathian hnena hlanna a nei nghal bawk.  Hemi hnu hian result puan zui nghal niin, Best Costume (Adult, Teenage leh Kids Category) te lawmman hlanna neih hmasak a ni a, Miss Chapchar Kut 2023 judge ten lawmman an hlan a ni.

Lawmman
Miss Chapchar Kut 2023 atana thlan Lalrammuani hian lawmman pawisa fai Rs. 50,000/- bakah Citation leh Photo Frame a dawng. Runner up te hian lawmman atan pawisa fai Rs. 5,000/- bakah Citation leh Photo Frame an dawng bawk. Top 10 chinte hian Pu Lalhmachhuana Zofa lehkhabute an dawng theuh bawk. 

Foreign Tour!
Miss Chapchar Kut organising committee chuan Top 3 te hi ram danga an zin theihna tur kawng an dap sak cheu bawk. Foreign Tour-ah hian an mahni bakah an chhungte pakhat theuh an hruai thei dawn a ni. 

Mimal lawmman
Top 10 thlan chhuahte atang hian mimal lawmman siam leh a ni a, mi pathum hnenah hlan an ni. Miss Chapchar Kut 2023 constestant-te zinga pian nalh berah Maria Lalhruaitluangi Sailo, Armed Veng South chu thlan a ni a, Zo thuam inhmeh berah Mary Lalruatkimi, Republic Vengthalng chu thlan a ni. Most Intelligent-ah Rinduhawmi, Chanmari chu thlan a ni bawk. 
Result puan leh lawmman sem programme-ah hian Diktawn Cultural Club te hnen a\angin lam hmuhnawm tak thlirho a ni a, Vanlalhmangaiha leh K. Hminga ten zaiin an awi bawk. 

Miss Chapchar Kut 2023 Result
Miss Chapchar Kut - Lalrammuani, Venghnuai
1st Runner Up - Manisha Laldinmawii, Sihphir
2nd Runnner Up - Christy Lalrintluangi, Kanan
3rd Runner Up - Esther Lalngaihzuali, Dawrpui Vengthar
4th Runner Up - Lalchhanhimi Ralte, Tuithiang
4th Runner Up - Lalhmangaihzuali, Chawlhhmun
4th Runner Up - Mary Lalruatkimi, Republic Vengthlang
4th Runner Up - Rinduhawmi, Chanmari
4th Runner Up - Maria Lalhruaitluangi Sailo, Armed Veng South
4th Runner Up - Vanlalchhanchhuahi, Chaltlang    

Mimal lawmman 
Pian nalh ber - Maria Lalhruaitluangi Sailo, Armed Veng South
Zo thuam inhmeh ber - Mary Lalruatkimi, Republic Vengthlang
Most Intelligent - Rinduhawmi, Chanmari