March 7, 2023; Vawiin chawhma dar 11 bawr vel khan Kelkang bul, Dilkawn khua (Champhai District) ah bungraw engmah chuh hman lohin chenna In 5 a kangral vek a, vanneihthlak takin mihring thi leh hliam erawh an awm lo.

Dilkawn khawtlang hruaitute hnen atanga ZALEN thudawn danin, vawiin ah Dilkawn khua in lo an hal a, ram lamah mipa hnathawk thei chin zawng zawng an thawkchhuak vek a, hemi vang hian In kang thelh hna pawh hi hmeichhia leh naupang ten an theih ang angin an thawk.

In kang neitute hi Rosiama, Remruatpuia, Liantluanga, Laltlanzauva, Romana te an ni a, chhungkua a khawsa vek an ni. An bungrua engmah chuh hman a nih loh avangin, he thu ziahlai hian thilpek (buhfai etc.) engemawzah Dilkawn khawtlang hruaitute hnenah pekkhawm a ni tawh a, an hmalak zel dan tur he thu ziahlai hian ngaihtuah mek a ni. 

Kangmei chhuah chhan hi chiang taka hriat theih a la ni lo a, naupangin In kang an hmuh chuan thelh ngaihna a awm tawh lo a, lo hal a thawkchhuak ram lam a awmte pawh hrilh hriat nghal an ni a, a thei thei te an haw nghal a, an khaw thenawm khaw hrang hrang atangin mi engemawzahin Dilkawn hi an thleng nghal bawk.