Aizawl; Nimin khan Electric veng YMA Hall-ah Community Awareness Programme on Disaster management neih a ni. Awareness programme hi Disaster Management and Rehabilitation Department leh Aizawl khawpui chhung YMA Branch 93 OB leh Disaster Management Sub-Committee memberte chhiatrupna thlen thulha inbuaipui dan zirna atana tih a ni a, Aizawl khawpui chhung Branch 93 te chu group 11 a thenin Inrinni apiangin he zirhona hi kalpui ani a, nimin khan group 4-na chuan Electric veng YMA Hall-ah training hi neiin YMA Branch 9 atangin an tel a ni. He zirhona hi Tv. Zothansanga Hmar, Secretary, Disater Management Sub-Committee, Central YMA chuan a kaihruai a, Disater Management & Rehabilitation Deptt. te, National Disaster Response Force leh State Disater Response Force atangin chhiatrupna lo thlen thulha hmalak dan tur, chhanchhuahna hna thawh dan tur, tanpuitu dang lo thlen hmaa lo inbawihsawm dan tur leh pawimawh hrang hrangte training pek an ni a, Central YMA atangin veng chhunga lo inkaihhruai dan turte ngaihthlak ani bawk.