April 19, 2023; Tukin zing dar 2 vel khan District Jail, Lunglei atangin mitang 5 an tlan chhuak a, anmahni zawn hna ngawrh taka thawh nghal niin, he thu ziahlai thleng hi chuan man an la ni lo.

Lunglei police station atanga ZALEN thudawn danin, jail tang tlan chhuak te hi Myanmar lam mi vek an ni a, an zing a pakhat chu 'tualthat' (murder) vang a tang niin, midang pali te chu heroin (ND&PS thubuai) man sak vang a tang an ni.

Police te sawi danin, tang tlanchhuak te hi cell khat a awm ho nia hriat an ni a, an awmna toilet bang (brick) chhu chhiain chuta tang chuan an tlanchhuak a, police lam te team 4 ah insiam in hnuchhui hna an thawk nghal a, he thu ziahlai thleng hi chuan an chin hriat a la ni lo.  

An chin hria chuan Lunglei P/S  9485414441 ah hriattir tur a ni e.