ZALEN September 28, 2024 : 27.09.2024 khan District Judge Meeting Room, District Court Aizawl-ah Aizawl Judicial District huamchhunga DC leh SP te District Judge hoa meeting nei chuan Jail thawmthat, Medical Officer dah belh te, hnu chhui leh Court a kalpui zel dan chungchang an sawi.

District Judge Meeting Room a thutkhawmna hi Gauhati High Court Notification No. 52 dated 20th August 2013 in thla tin a huaihawt thin tura thu a pek angin meeting hi huaihawt a ni a. Meeting ah hian Jail thawmthat te, Jail-a Medical Officer dah belh te, hnuchhui leh Court a kalpui zel dan chungchang te, Criminal Law thar te, Search & Seizure chungchang te leh Electronic Evidence lak dan te sawi a ni a. Aizawl SP Rahool Alwal chuan e-Sakshya Application chungchangah Presentation a pe bawk. Heng bakah hian Court leh Police te thawhho dan sawi a ni a, DC te nen pawh Guardianship chungchang sawi a ni bawk.

Meeting-ah hian Aizawl Judicial District huamchhung - Aizawl, Mamit, Serchhip, Kolasib leh Saitual a SP leh DC aiawh te an kal tha hle a, he meeting a tel te chu Mark Lalthanliana, Addl. DC Aizawl ; Rahool Alwal, SP Aizawl ; H.Lalramliana SDO Sadar Kolasib ; Manjeet Singh Sukhla, SDPO, Kolasib ; Malsawmzuala, ADM, Mamit ; Lalthangpuii Pulamte, SP Mamit ; Dr. C. Vanlalchhanhimi, SDC Serchhip ; MS Dawngkima, SP Serchhip ; Christine Lalnunfeli, SDC Saitual leh Pukhraj Kamal, SP Saitual te an tel a, District Judge Helen Dawngliani'n meeting hi a ho a, Lalrochami Ralte CJM Aizawl pawh a tel bawk.