Aizawl May 26, 2024 : Mizoram district 11 zinga district parukah vawk pul hri chi khat, African Swine Fever (ASF) hmuh a ni tawh a, district dang panga - Mamit, Kolasib, Hnahthial, Lawngtlai leh Siaha district-ah chuan ASF vang vawk thi an la awm lo.

Vawk pul hri, African Swine Fever hi Aizawl district-in a tuar nasa ber a, Aizawl khawpui chhunga vawk a thih nasatna vengte chu Kulikawn 64, Armed veng 33, Edenthar 51, Falkland 42, Ramhlun Sports Complex 50 leh Salem veng 39 te an ni.

AH&Vety department chhinchhiah danin Aizawl khawpui pawnah chuan Dulte khuaah ASF vanga vawk thi hi tam berin vawk 162 an thi a. Saitual leh Aibawk khuaah 82 ve ve an thi bawk a ni.

Inrinni thleng khan ASF vang hian Mizoram-ah vawk 1,036 thi a awm tawh a, vawk 1,633 suat a ni tawh bawk.