Aizawl : Mizoram district hrang hranga sawrkar damdawiin 11 bakah ZMC leh Kulikawn hospital-ah PM Cares Fund hmangin Oxygen plants bun a ni dawn.

Nimina BJP Mizoram spokesperson K. Laldinthara'n press mite a hmachhawn tumah he thu hi a sawichhuak a, he Oxygen plants hi state sawrkarin a dil pawh a nih loh thu leh, central sawrkar-in min rawn ruahman sak a nih thu a sawi a, state pachhiat leh harsatna tawk mai thei dinhmuna kan din vanga pek kan ni tih a sawi lang tel bawk.

PM Cares Fund ang chuan khum 300 awmna ZMC tan hian minute tina oxygen litre 300 (Litres Per Minute (lpm)) pe chhuak thei khawl bun a ni dawn a, khum 270 ACH tan minute tina litre 2000 oxygen pe chhuak thei bun a ni ang a, Kulikawn Hospital - 50 beds/300 lpm, Champhai - 100/500 lpm, Hnahthial - 30/250 lpm, Khawzawl - 30/250 lpm, Kolasib - 60/250 lpm, Lawngtlai - 50/250 lpm, Lunglei - 150/1000 lpm, Mamit - 100/500 lpm, Siaha - 100/500 lpm, Saitual - 30/250 lpm leh Serchhip -60/250 lpm. theuh a bun dawn a ni. ZMC lam hian Oxygen plant an neih sa avangin an plant hmuh tur hi a tet phah.