Ukrainian DJ Olga Korolova chuan Russia-in an ram a run mek avangin an ramah a thlawk haw a, reporter hna a thawk! 

Ukrainian artist hian rimawi hmangin khawvel a awi thin a, tunah erawh indo chungchang chanchin thar ber ber tarlangtu hna a thawh a ngai ta. Olga Korolova hian an chenna Chernihiv, Ukraine chu tun hnai khan a thleng a, a fanu a hruai haw tel bawk. AN ram a thlen hnu hian a tih ngai hauh loh reporter hna chu an ram hmangaih vangin a thawh a tul a, a theihna kawngah tlanchhiat a tum lo. 

Olga Korolova hi Poland-a show nei tur a ni nghe nghe a, mahse Russia-in an ram a run avangin a thulh a ni. An ramin run a tawk tih a hriat tirh khan Korolova chuan stage-ah a tap hial tih a sawi a, a nuna a hun tawn harsa ber a nih thu a sawi bawk. Chu chuan amahah chona nasa tak a pe tih sawiin, an ram tan thil eng emaw tak a tih ve a tul tih a sawi. Korolova hian a sum lakluhte chu Ukrainian sipaitete leh an ram mipuite tan a thawh tih a puang bawk.