Aizawl: Disaster Management & Rehabilitation Minister C. Ngunlianchunga chuan Zirtawp tlai khan DM&R Conference Hall-ah chhiat tawh leh thil tul danga hman tur Search & Rescue hmanrua te district hrang hranga Emergency Operation Centre (EOC) aiawhte hnenah a sem. Bungraw sem zingah hian  Drone Phantom -4 a tel a ni. DM&R Minister chuan DM&R Department-in an mamawh em em tihhlawhtlin nana ruahmanna siam a ni chu lawmawm a tih thu a sawi a. “Heng hmanruate hi chhiatna hrang hrang thlen huna chhanchhuah hna thawhna atan an tangkai em em dawn a ni tiin hetiang huna hmanrua hmang tu turte hi an pawimawh hle bawk a ni,” a ti. Drone Phantom-4 Advance hi chhiatna thlenna hmuna chunglam atanga chiang taka thlalak theihna a ni a. (chhunzawmna) Chhiatna tuar tute zawn hmuhna kawnga puitu tangkai tak tur niin chhiatna in a huam chin hriat nan a tangkai hle bawk. Drone hian camera 20 megapixel-a thla la theiin, video pawh 4k resolution in a record thei a, van lamah km 4-5 thleng thlawk kangin thla a la thei bawk a ni. Remote Area Lighting System (RALS) with remote control hi eng awm lohna hmun leh hmun kal harsaa chhiat tawh thut a awm huna hman tur niin LED Life span 50000-100000h leh Lumens 10000-12000 LM bakah beam angle a awm a. Awlsam taka remkhawm leh theih mai, kenkual awlsam tak a ni.