Aizawl: Zirtawpni khan DM&R Special Secretary Dr. Lalrozama chuan Champhai Kanan Veng leitawlh thinna hmun tlawhin, tanpuina hmuh atanga hmalakna te a enfiah a. DM&R Special Secretary hi Champhai DC H. Lalengmawia leh official dang ten an tawiawm a ni. Champhai district thuneitute hian kumin fur chhunga chhiatna nasa zawk pumpelh nan DM&R atanga an sum hmuh atangin Kanan leitawlhna hmun hi rangva leh silpauline hmangin an khuh a, hei vang hian leitawlh pawh a ziaawm phah nia an hriat thu an sawi a. Mahse tuna hmalakna hi fur khat atan chauh a nih avangin daihrei tura hmalakna puitling tak neih a pawimawh tih an sawi.