ZALEN September 24, 2024 : Indian Medical Association, Mizoram State Branch chuan Ni 21/9/2024 zana an doctor pui, Synod Hospital Durtlang a thawk mek, Dr Laldinliana Sailo leh Dr Rinngheta Renthlei ten misual kut tuar a, hliam na tak tuar a damdawiin a dahluh hial ngai a sawisak rawn an ni chu na takin an dem.

IMA Mizoram chuan Mipui rawngbawltu, pawisawilo chunga rawng taka kutthlaktute hi dan anga na taka hrem an phut tih thuchhuah an siamah an tarlang.

IMA chuan Magisterial Enquiry din turin Sawrkar an phut tlat a ni. Beisei anga hmalakna a awm lo anih chuan IMA chuan a tul angin hma a la ang. Hetiang thil sual rapthlak tak, pawisawi lo chunga thleng hi tu chungah mah a thlen tawh loh nan Sawrkar hian a rang thei ang bera hma la ngei turin an phut tlat bawk a ni.