English actor Bernard Cribbins chu a thi tih a agent chuan a puang a, kum 93 mi a ni. Bernard Cribbins hi Wombles leh Doctor Who atangin khawvelin a hmelhriat a, vawiin khan mual a liam ta a ni. 

Cribbins hian 1970 chho khan children programme 'The Wombles' ah aw a thawh thin a, lemchan khawvelah sulhnu a hnutchhiah hnem hle. Kum 1963 tanga BBC-in a tihchhuah British science-fiction television programme 'Doctor Who' chu a larpui hle a, he showrunner Russell T Davies pawhin amah thlahna thu a tarlang. Amah lo thawhpui tawh thintu comedian leh actor ni bawk Matt Lucas pawhin Cribbins thlahna thu a tarlang bawk. 

Cribbins hian British entertainment huangah a thawh hlawk hle a, lemchan thiam a nih bakah zai lam pawh a tithei hle. Fiamthu a duhin mi kawm tlangnel a thiam em em a, mite ngainat pawh a hlawh hle a ni. Bernard Cribbins hian nikum khan a nupui Gillian McBarnet chu a lo sun tawh a ni. 

Actor, comedian, singer leh raconteur ni bawk Bernard Cribbins thih thu hian khawvel a deng chhuak thuai a, uitu pawh a ngah hle a ni.