MTV Video Music Award hi Doja Cat tan chuan award ceremony a host vawi khatna tur a ni dawn a, a hlu leh zual ngei ang. Tun tumah hian category panga laiah award dawng thei tura chhawpchhuah a ni bawk a, perform tur zingah a tel cheu bawk - host thlengin a kawp vek dawn a nih chu!  

MTV Video Music Award hi Barclays Center, Brooklyn, New York-ah sem a ni dawn a, zaithiam lar ber ber an inlan dawn. Doja Cat hi Video of The Year dawng thei tura chhawpchhuah zingah a tel a, host ni chunga hetiang dinhmun luah thei hmasa ber a ni. MTV MVA hi Miley Cyrus chuan 2015 khan a host a, Katy Perry chuan 2017 khan a lo host ve tawh bawk. 

Doja hi Video Music Award-ah hian perform tur zingah a tel a, a host tur thu hi tun hnai khan an puang chiang ve leh ta bawk a ni. Shawn Mendes leh Twenty One Pilots te chu award ceremony-a perform tur zinga an puan hnai vai an ni a, anni bakah hian 
Chlöe, Olivia Rodrigo, Lorde, Machine Gun Kelly, Lil Nas X, Foo Fighters leh Camila Cabello te chu an perform dawn bawk. 

Kuminah hian Justin Bieber chu award dawng thei tura chhawpchhuah zinga hming langsar ber a ni a, category ngaihhlut tak tak - Video of the Year, Artist of the Year leh

Best Pop te dawng thei dinhmunah a ding mek. 
Hmeichhe rapper Megan Thee Stallion chu category paruk-ah langin, Cardi B’ nena an hla hit ‘WAP’ chu - Video of the Year, Song of the Year, Best Collaboration leh Best Hip-Hop-ahte chhawpchhuah a ni.