Zaithiam Dolly Parton leh Garth Brooks te chuan ACM Award an host dun dawn. 58th Academy of Country Music Award hi May thla hian sem a ni dawn a, country singer ropui pahnih ten an host dawn avang hian ngaihven a hlawh zual ang. 

American singer ropui Dolly Parton chuan hemi chungchang hi a sawi chiang tawh a, amah pawh a phur tawh hle. Kum 77 mi lai ni ve tawh mah se country music huanga award ngaihhlut ber pakhat host hi a la zual zek zek hle a ni. Kum 61 mi Garth Brooks pawh a phur tawh hle. 

Dolly Parton hian ACM Award-ah hian hla thar a tichhuak dawn a, fante tan pawh a phurawm leh zual ang.  Parton hian rock album a tichhuak dawn a, heta a album title tur hi a tichhuak dawn nia sawi a ni. 

58th Academy of Country Music Award hi May 11 khian Ford Center, The Star in Frisco, Texas-ah sem a ni ang a,  avawi khat nan khawvel hmun hrang hranga atanga en theih turin live-in an pechhuak dawn a ni.