Farhan Akhtar chuan Don 3 an siam leh tur thu leh, Ranveer Singh a inlan tur thu a puang chiang ta. Ranveer Singh hi a changtupa tur a ni dawn a, Don 3 hi nakkumah tihchhuah a ni ang.  

Don franchise hian ngaihhlut a hlawh hle a, a chhunzawmna pawh kan hmu zel dawn a nih hmel. Don role hi Amitabh Bachchan chuan a play hmasa ber a, Shah Rukh Khan-a'n a thlak. Bollywood superstar Amitabh Bachchan leh Shah Rukh Khan te hun a liam a, an hnung zuiin Ranveer Singh a rawn pen lut ve leh thung dawn a ni. 

Don 3-ah hian Ranveer Singh leh Kiara Advani te n changdun dawn a, an budget pawh a sang viau dawn. Times of India (ToI) in a tarlan dan chuan Don 3 budget hi cheng vaibelchhe 275 (Rs. 275 crore) zet a ni a, Don franchise-a budget sanna ber tur a ni ang. Don 2 budget kha vbch 76 a ni a, Don 3 hian vbch 200 danwin arawn khum dawn tihna a ni. 

Nakkum March thla atangin Ranveer leh Kiara ten inbuatsaihna an kalpui tan dawn a, Thailand atangin martial arts specialist ten an training pui dawn a ni.