October 12, 2023; Dr. John Malsawma, Medical Superintendent, Synod Hospital Durtlang chu Cancer natna avangin nimin tlai dar 5:18 khan a boral.

Dr. John Malsawma hi vawiinah an chenna Synod Hospital Quarter, Durtlang-ah vui a ni ang a, Khatla thlanmualah phum a ni ang.

Dr. John Malsawma hi Dr. R. Kapthuama (L) leh Sairengpuii Sailo te fa niin, kum 1964 April ni 22 khan Jorhat Christian Hospital-ah a lo piang a, unau 3 zing a a milai a ni a. Kum 1992 January ni 10-ah Zoparliani (Te-i) d/o Lalhmingliana, Dawrpui Veng nen inneiin, fa pahnih an nei a ni.

September thla, kum 1991 ah Synod Hospital ah Medical Officer hna a thawk tan a. Kum 5 a thawh hnuin, kum 1996-ah MD (Pediatrics) Christian Medical College & Hospital (CMC) Ludhiana-ah zir leh in, December 1999 khan tha takin a zir chhuak a, Durtlangah a hna a chhunzawm a. Kum 2002, March thla khan Specialist in a lut a, March 2015 ah Sr. Specialist-ah hlankai a ni. January ni 1, 2016-ah Deputy Medical Superintendent hna a chelh tan a, January ni 1, 2022 ah Medical Superintendent hna zawm leh in, a hun tawp thlengin a thawk a ni.

Indian Medical Association (IMA), Mizoram State Branch-ah Asst. Secretary nilai a ni a. Indian Association for Paediatrics (IAP), Mizoram State Branch-ah Treasurer niin, Indian Association for Paediatrics (IAP) East Zone-ah kum 2018 atanga a boral ni thlengin Scientific Committee Member a ni bawk.

Dr. John Malsawma hi kum 2022 April thla ah pum lam insawiselin Tata Cancer Hospital, Kolkata ah te enkawl zui a ni.

September ni 22 khan a chau zual thut a, a tuk ni 23 khan ICU ah dah luh a ni a. Nimin tlai dar 5:18 khan a boral ta a ni.