Canadian rapper Drake chuan a album thar 'For All the Dogs' chu a tichhuak ta a, mahse chanchin duhawm lo hriat tur a awm zui. Drake hian a hriselna dinhmun a that tawk loh avangin rimawi a chawhsan rih dawn tih a sawi tlat mai.

Kum 36 mi Drake hian rimawi khawvelah sulhnu ropui tak a hnutchhiah tawh a, a hawina lam a piangah hlawhtlinna a chang tih theih hial a ni. Hetiang khawp ropui leh hlawhtling hi ni mah se a taksa lamah harsatna a tawk a, rimawi aiin a hriselna dinhmun dah pawiawh hmasak a duh. A chawl hlen dawn tihna erawh a ni hauh lo a, hun eng emaw tichhung atan a chawl mai dawn zawk a ni. 

Drake chuan, "Ka hriselna dinhmun ka dah pawimawh hmasak ber a ngai," tiin a sawi a, a pum lamaha harsatna a tawk nia sawi a ni. Drake hian hun rei vak lo chhung a chawl dawn tih sawi mah se, a hriselna dinhmunin a zir lo a nih chuan kum khat hial pawh a chawl mai thei. 

Drake album tharah 'For All the Dogs' ah hian hla 23 zet a awm a, a thawhpui zingah Bad Bunny a tel bawk.