Bollywood star Ananya Panday chu Dream Girl 2-ah a chang a, a chanpui hi Ayushmann Khurrana a ni. Ayushmann hi kum 38 mi a ni a, hetih lai hian Ananya Panday erawh kum 24 mi chauh a la ni - amah aia kum 14 zeta upa nen an chang dun dawn tihna a nih chu. 

Student of the Year 2 star Ananya Panday hi tun lai Bollywood star ngaihven hlawh ber pakhat a ni a, Dream Girl 2-a a chang pawh hi fan te tan chuan lawmna tur hlir a ni. Official trailer pawh tihchhuah tawh niin mi maktaduai 30 vel zetin an view der tawh. 

Ananya Panday hi interview-ah a chanpui Ayushmann nena an kum inthlau chungchang zawh a ni a, "Cinema-ah chuan hetiang hi a awm fo a lawm," tiin a sawi a, harsatna a nei lo tih a sawi. 

Dream Girl 2 hi Raaj Shaandilya kutchhuak a ni a, Paresh Rawal, Asrani, Annu Kapoor, Abhishek Banerjee, Manjot Singh, Rajpal Yadav, Manoj Joshi, Seema Pahwa leh Vijay Raaz te pawh an chang - August 25 hian tlangzarh a ni ang.