September 28, 2023; Champhaiah DRI (Directorate of Revenue Intelligence) official nia inchhal man an ni.

Heng mite hian operation an neih thu report dawn chu Champhai Police te chuan fimkhur taka bawhzuia chhuichiang nghalin, heng DRI official lema chang mi pahnih leh an thurualpui pakhat ten 18.9.2023 khan lirthei veivak endik tura insawiin Khankawn Police Check Gate an tlawh a, 25.9.2023 khan heng mi lem chang te hian civilian pakhat chu pawisa a pek loh chuan man a vau in pawisa engemawzat an lak luih sak tih hriat a ni bawk.

Uluk taka chhui anih hnuin he thila inhnamhnawih -

1) Laltharzeli d/o Lalropuia, New Champhai,

2) PB Rozamliani w/o Johny Lalthlamuana, Kahrawt, Champhai leh

3) Johny Lalthlamuana s/o Lalhlumthanga, Kahrawt, Champhai te chu tukin (28.9.2023) khan man niin, Champhai PS-ah thubuai, 468/385/419/170/34 IPC hnuaiah ziahluh nghal a ni.

An kut atang hian DRI Identify card lem pahnih man a ni bawk.