DOWNLOAD OUR APP

Read latest news on your phone
app-store
Drug kaihhnawiha thi kuminah 52, drug thih pui tam ber heroin
Nov 24, 2019

Aizawl: Kumin kumtir atanga nimin thleng khan Mizoram-ah damdawi hmansual/ drug kaihhnawiha thi mi 52 an awm tawh a. Drug vanga Mizo thalai te thihna thlentu tam ber chu heroin (No.4) a ni.

Mizoram Excise & Narcotics department chhinchhiah danin kumin chhunga damdawi hmansual vanga thi zinga 39 hi mipa an ni a, hmeichhia 13 an awm bawk.

Thi zinga 25 hi heroin vanga thi an ni a, a dang 27 hi heroin leh damdawi hrang hrang tihpawlh an ni. Excise & Narcotics chhinchhiah danin kum 1984 atanga nimin thlengin damdawi hmansual vanga thi mi 1576 an awm tawh a, heng zinga 1391 hi mipa niin hmeichhia 185 an awm bawk.

Kum 2014 hmalam kha chuan damdawi ti thin te thihpui tam ber chu parvon spas/proxyvon a ni a, mahse kum 2015 atanga chuan heroin chu an thihpui tam ber a ni. Heroin vanga thi hi mi 213 chhinchhiah an ni a, parvon spas/proxyvon vanga thi mi 1161 leh tihpawlh vanga thi 202 chhinchhiah an ni bawk.

Zalen zawhna chhangin Excise thawktu te chuan Mizoramah zu khuahkhirh anih avangin drug ti an tam phah chuang lemlo niin an sawi a.

Drug chu tunhma aiin a vang zawk nia an hriat thu sawiin ni danga khawchhak lam atanga lokal nasa thin chu tunhnaiah Bagha lam atangin a lo lut nasa niin an sawi a, Bagha lam atanga lokal hi Manipur atanga lut nia an rin thu an sawi. Heroin pawh nidang aiin a to deuh nia sawiin ni danga hawng khat (14 gram vel) Rs. 25,000 vel ni thin chu tunlai hian Rs. 30,000 velah a chho niin Zalen palai an hrilh bawk.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh