Aizawl: Kumin 2017 July ni 13 thleng khan Mizoramah damdawi hman sual vanga thi (drug related death) mi 32 an awm tawh. Excise & Narcotics Department chhinchhiah danin kumin chhunga damdawi hman sual vanga thi 32 zinga 25 hi mipa niin a dang 7 hi hmeichhia an ni a. Damdawi an hman sual zingah heroin vanga thi 15 awmin a dang 17 hi heroin leh thil dang tihpawlhte an ni. Excise & Narcotics Department ten kum 1984 atanga an chhinchhiah danin damdawi hman sual vanga thi hi mi 1499 an awm tawh a, heng zinga 1329 hi mipa an ni a, hmeichhia 170 an awm bawk. Damdawi hmansual kawngah Proxyvon/Parvonspas chu thihna thlentu tam ber a ni a; mahse, tun hnaiah he damdawi hi siamchhuah a nih tak loh avangin Heroin chu thihna thlentu tam ber a ni.