DOWNLOAD OUR APP

Read latest news on your phone
app-store
Dua Lipa-i'n tawih thar a nei em ni?
Oct 03, 2022

English singer Dua Lipa chuan tawih thar a nei niin an sawi a, chu chu tu dang ni loin The Daily Show host Trevor Noah a ni. Anni pahnih hi tun hnai khan New York khawpuiah hmuh dun an ni a, an in 'date' niin media hrang hrang ten an tarlang chuai chuai mai. 

Dua Lipa leh Trevor Noah te hian Jamaican restaurant, East Village-ah romantic dinner date an nei a, an chhuak dun hi paparazzi lam chuan an veh nasa hle a ni awm e. Kum 38 mi South African comedian Trevor leh Dua Lipa (27) te hi an kal hran dawnah an inkuah a, an in kiss zauh bawk a ni awm e. Dua Lipa hi December 2021 atang khan a single a, a bialpa model Anwar Hadid nen kum hnih an inzui hnuah an inthen a ni.

Hemi hnu hian kawppui tia sawi tur a la nei leh lo a, Trevor Noah nen hian an inzui ngawrh chho viau a nih pawhin a mak lo ang. Trevor hi a bialnu Minka Kelly nen thla li liam ta vel khan an inthen ve thung a, kum hnih vel bawk an inzui hman. Dua Lipa leh Trevor Noah te hi an in 'date' ve zuaih nge, kawppui tak tak atan an induh tawn dawn tih chu hunin a hrilh dawn a ni.   

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh