ZALEN June 5, 2026: Mizoram Pradesh Congress Committee chuan vawiin khan Bhavan-ah Political Session an nei a, he huna thu sawitu MPCC General Secretary Lalbiakzama chuan, "Mizoram-ah inhlawhfa mahni ram nei lo (landless labourers) kan awm ve ta nual mai hi nakin zela kan khawtlangah inthliarna/dinhmun intluklohna nasa tak rawn thlentu a la ni dawn. Tun atang hian solution kan ngaihtuah a ngai," a ti.

Lalbiakzama chuan "Dawt leh puitling theilo tur duhthusam sawia mipui hruaibo thinte hi kan hnawl ngam a ngai. Kum thum chhung intodelh te, Darzo luite atanga 2400 MW power siam te kan ti mai mai, thil theih a ni lo. Hetiang min tiam an awm chuan thalaite min hmusit ti rawh u, Thalaite i thangharh ang u.

"BJP te aiawt chiah chhungah lut lo turin an chawchah (bait) te hi it lo ngam ang u. Kan ram, kan hnam leh kan sakhua ralna tur a ni dawn. BJP sawrkar hnuaiah India dinhmun a chhe tial tial a, thenawm ram rethei te nen kan pawisa hlutna pawh a intluk deuh reng tawh. BJP rorel hnuah exam paper leak hi tum ruk (6) vel a thleng tawh a, an minister te emaw tumahin mawhphurhna an la ngai lo.

"Central ah INC te kan ding chhuak hnai ta. Tuna CJP leh Student protest kal mek hian BJP sawrkar leh party hi a nghawng na dawn. A sawi a sawi, a tak hmuh tur awm si lo an ni tih hi India ram thalai ten an hmu in an hre tawh," a ti.