DOWNLOAD OUR APP

Read latest news on your phone
app-store
Durtlang hnehtu Bethlehem Vengthlang nula ten final lut
May 24, 2022

R. Dengthuama Indoor Stadium Mualpui-a, Zothan AutoWorks Pro Volleyball League 2022 khelh mekah nizan khan hmeichhe lamah Durtlang leh Bethlehem Vengthlang te inkhelin Durtlang-in hnehna changin final an lut. Zanin dar 8 hian mipa lamah Hunthar VC leh TNT VC ten semi-final vawi khatna an khel bawk ang.

Pro Volleyball League-ah hiam hmeichhe team 4 Bungkawn, Bethlehem Vengthlang, Kanan leh Durtlang te an tel a, Bungkawn hmeichhia te hian an tumpui hneh vekin point 9 hmuin final an lut tawh a, thawhtanni zan inkhela chak zawk Bethlehem Vengthlang hian point 6 hmuin final an lut ve bawk a, May ni 26 zan dar 8 hian final an khel ang. Pro Volleyball-ah hian Kanan nula te vawi khat chakin point 3 an hmu a, champion lai Durtlang nula ten hneh an ne lo thung. 

D3 Business Player of the Night-a thlan Elisian Medai, Bethlehem Vengthlang chuan a khel tha hle a, point 23 zet thawk chhuakin tum 6 a hlah thung. Bethlehem Vengthlang hian final lut turin point an mamawh tam lova, set thum la zawnin Durtlang lakah 25-18, 25-22, 27-25 (3-0) a chakin point 3 an hlawh chhuak a, final an lut. Pro Volleyball hnuhnung ber 2019-a player best spiker Lalmuanpuiin point 13 thawk chhuakin point 9 a hloh thung.

Champion lai Durtlang nula te an che fuh hleithei lova, league match thum khelhah tlawm vekin point khat mah hlawhchhuak lovin table mawng phahah an awm. Mipa lamah pawh champion lai Chhinga Veng Spikers an che hleithei lo, an khelhpui team lakah tlawm vekin knockout round an lut zo lo. 

Player stats :

BETHLEHEM VENGTHLANG
Elisian Medaii : point hmuh 23, point hloh 6
Lalmuanpuii : point hmuh 13, point hloh 9
Vansangzuali : point hmuh 4, point hloh 3
VL Hmangaihzuali : point hmuh 3, point hloh 4

DURTLANG
Lalramliani : point hmuh 13, point hloh 5
Lalrinthangi : point hmuh 8, point hloh 2
CS Zonunmawii : point hmuh 6, point hloh 3

FIXTURE :

SEMIFINAL - MIPA :
May 24, Thawhlehni - 
8pm : Hunthar v TNT

SEMIFINAL - MIPA :
May 25, Nilaini - 
8pm : Tuichangral v Durtlang North

FINAL - HMEICHHIA :
May 26, Ningani - 
8pm : Bungkawn v Bethlehem Vengthlang (hmeichhia)

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh