ZALEN January 18, 2026: Naktuk January 19, 2026 Thawhtanni chawhma dar 9:00 atang hian Leitan kawn (Leitan kawn - Motor inher) kawng siam hna thawh a ni dawn a, Durtlang Leitan Local Council chuan lirthei tlan dan turah ruahmanna dang an siam.

Leitan atanga Hmar lam pan tur te chu Damdawi In kawngah tlanin Motor inherah an chhuak ang. Leitan Biakin atang Leitan lam hi chhuk zawng a tlan phal a ni lo. (2-wheeler a huam lo)

Hmar lam atanga Leitan pan tur te chu Pu Lalroa in (Mel 5) kawnzawl bul a peng thla in Link road lama tlanin Leitan kawnah an kual chhuak ang. 

SIRD kawngah hian chhuk zawng a tlan phal a ni lo. ( 2-wheeler a huam lo)

HMV leh Load phur te Thuampui -Selesih Road lamah kal tur a ni. Load phur te hi SIRD kawngah tlan chhoh phal a ni lo.

Hospital road leh Link road hi Kawng helna (Diversion) a hman tur a nih avangin traffic ti jam thei tur lirthei leh bungrua kawng kama dah lo turin an in hriattir e.

Kawng siamna huam chhunga chengte tan lirthei tlan chhuah phal a nih dawn loh avangin Lirtheite kawng siamna area (road block area) pawnah lo dah chhuah lawk tur a ni.

Kawng tha tak an neih theih nan Local Council leh YMA te an Duty dawn a, Veng mipuite pawh thupek zawm theuh tur leh min tawiawm theuh turin an sawm.