Aizawl: Deputy Speaker R.Lalrinawma chuan nimin khan 132 kv Sub-station peng atanga Bawngkawn Hmar Veng (Helipad) chung pawhna kawng R.Lalrinawma Road leh Zuangtui Community Hall a hawng.
R.Lalrinawma Road hi MLA Fund atangin Rs 700,000 seng a siam a ni a. A thui zawng hi 310 metre niin, a zau zawng hi 3.5 metre vel a ni. Zuangtui Community Hall hi a tirah chuan ni 100 inhlawhna hmangin Hall hmun laih a ni a, MP Fund Rs 700,000 in bul tan a ni a, MLA Fund Rs 500,000 a sak pum a ni. Hall hi 74 feet a sei a ni, 31 feet a zau leh 16 feet a sang a ni.