ZALEN, October 2, 2024: Vawiin khan Thangburha Hall, E. Lungdar-ah VC te kaihhruaina in People's Plan Campaign for Gram Sabha Development Plan (GPDP) Special Gram Sabha neih a ni a, C Rochungnunga kum 85 leh Lalsiami kum 93 te pawh thing phuntu zingah hian an tel.

He hunah hian video kaltlangin LAD Minister C. Lalsawivunga thusawi ngaihthlak a ni a. PPC chungchang leh a pawimawhna video hmang veka thlir ho a ni bawk.

He hunah hian SIRF Faculty te chuan GPDP leh Gram Sabha pawimawhna kalkhawmte an zirtir a. Village Poverty Reduction Plan (VPRP) ruahman pawh mipui lo kal te hmaah pharh nghal a ni bawk. Kum upate chawimawina hun leh khaw chanchin ngaihthlakna neih a ni a. Faina, ruihhlo, hriselna leh kum upa zahna chungchangah thutiak chham rual a ni.