DOWNLOAD OUR APP

Read latest news on your phone
app-store

ECI lehkha RDP-in hal

Oct 10, 2015

ECI lehkha RDP-in hal

Aizawl: Nimin chhun khan Revolutionary Democratic Party (RDP) chuan Vanapa Hall kawtah Election Commission of India-in Tripura-a awm mek Bru te tan special summary nei tura Mizoram sawrkar a hriattirna lehkha an hal. ECI lehkha halna inkhawm kaihruaitu RDP Vice President Hmingthanzami chuan ECI thupek chu dan kalh anih avangin an party in an dodal tih a sawi a, “Dan kalh anih chuan ECI thupek zawm kher hi kan ba lo a ni,” a ti. RDP President Robert Hrangdawla chuan, “Mizoram leh Tripura sawrkar te thiamthu sawina hun eng-mah pe lo a ECI-in thupek a siam ringawt chu dan kalh a ni tih a sawi a. ECI thupek hi helih neihna anih bakah India danpui Article 14,15 & 19 te a bawhchhia a, kan tan pawm chi a nilo a ni,” a ti." RDP hian ECI thupek an duhloh zia hi October ni 1,2015 khan ziakin Election Commission of India (ECI) hnenah hian an lo thlen tawh bawk a ni.
Share now