English singer Ed Sheeran chuan album thar a tichhuak ta. A album title hi a mak ang reng hle a,  = (equal) tih a ni. 

Ed Sheeran hi covid-19 a kai avangin a inkhung hrang mek a, a inkhung hranna hmun atang hian a album thar hi Zirtawpni khan a tichhuak a ni. Tun hi album pali a tichhuahna niin, a dang pawh a la tichhuak leh ngeiin a rinawm. A positive avang hian a album thar puala ruahmanna a lo siam tawh pawh a tihlawhtling thei lo a, solo party a nei tawp mai a ni awm e! 

'Perfect' hla hmanga khawvl dengchhuaktu Ed Sheeran hian hla hit tak tak - Shape of You leh Thinking Out Loud te pawh a lo tichhuak tawh a, a album thar atang pawh hian hla nalh tak tak a rawn chhuak leh ngeiin a rinawm. 

'=' album-ah hian hla 14 awmin, chung zing atang chuan single pathum - Bad Habits, Shivers leh Overpass Graffiti te chu a lo tichhuak tawh a ni. 'Bad Habits' phei hi chu Billboard chart lamah pawh a thleng sang hle a ni.