English singer Ed Sheeran leh Cradle Of Filth band te chu an thawkho dawn a, thawm lian tak an rawn nei chho dawn a nih hmel hle. Hetih lai hian Ed Sheeran hian tour a nei mek a, engtikah nge an tihchhuah dawn a la hriat loh thung.   

An thawhho tur chungchang hi Cradle Of Filth frontman Dani Filth pawhin a sawi chiang tawh a, fan-te pawh an phur tawh hle. Kum 49 mi Dani Filth chuan hla thar tichhuak turin an hmanhmawh lo tih a sawi a, engkim peihfel hnua tha taka tihchhuah chu an duh ber a nih thu a sawi. Dani leh Ed te hian nikum lam khan hla thar chungchang hi an lo sawi dun tawh a, tun tuma an hla tur hi a ni ang em tih chu hunin a la hril dawn a ni. 

English metal band Cradle of Filth hi kum 1991-a din kha niin, tun thlengin music khawvelah boruak an la nei lian. English singer boruak nei lian ber zinga mi Ed Sheeran thawhpuia hla an tichhuak tur hi a nghehhlehawm tawh hle.