DOWNLOAD OUR APP

Read latest news on your phone
app-store
EDITORIAL : Aia upa zah
Mar 05, 2023

Hmanlai atanga Mizo nun ze mawi pawimawh leh vawiin thlenga kan la chhuan em em chu Áia upa zah' hi a ni. He nun ze mawi tak hian khawsakho a ti nuam a, mahse tunhnaiah erawh kan bosal ta deuh niin a lang a. Kum dangah chuan Chapchar Kut thupuiah te pawh hman a ni thin a, kuminah hian thupui dang hman ni mahse Kut pual hian tan lak thar leh ni thei se a duhawm hle.

Hmanlai chuan kum naupang zawkte chu an aia upa ten an tirhin an hnial ngai lo a, an tirhna hmunah thuawih takin an kal mai zel a ni. Chutiang zelin khawi ila chhuahvahna ah pawh upa zawk te thu an ngaichang a. Ruai thehna leh chawhlui kilhona ah pawh upa berin a bar hma chuan kum naupang zawk ten an bar hmasa ngai lo a, ningnawi tihfai ngai a awm pawhin upa te chu awl in naupang zawkin an ifai thin a ni.

Tunlaiah erawh he zonun zemawi hi kan boral nasa ta hle mai a. A chhan tam tak awm zingah zir sanna avang te, eizawnna avang te, hmasawnna avang te leh thildang tam tak a awm awm e. A chhan chu engpawhnise he zonun zemawi hi a bo anih chuan Mizo hnam hi kan ral tihna a ni thei hial ang.

Chuvangin zonun zemawi 'Áia upa zah' hi uar lehzuala kan chhawm nun zel theihnan nu leh pate hian tih tur leh mawhphurhna kan nei a ni tih hriaa hemi kawnga kan tu leh fate kan zirtir thar a pawimawh hle. Chutiang zelin kohhran leh tlawmngai pawl hrang hrangte pawh hian mawhphurhna sang tak kan nei a ni tih hriat tel a tha bawk. 

Hetih laia pawimawh em em dang pakhat chu upa zawkte pawh hi naupang zawkte zah tlakin kan nung em tih pawh inenfiah ve fo kan mamawh awm e. Naupang zawk te zah duh viau si a, kan nungchangin a zir bik si loh chuan zah ngawt theih kan ni bik lo a ni. Zonun zemawi 'Aia upa zah' hi uar zawka chawinun zel hi kan tih tur a ni a, a chawinun kawngah mitinin mawhphurhna kan nei a ni tih kan hriat thar leh a pawimawh hle.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh