EDITORIAL : BJP thawhpui chungchang
![](/storage/news/post/anewltnHWaJDFwKk88XyRAnNgEHyB7jVgCM8wyWR.jpg)
India ram hi party hrang hrang awm theihna (mulpti party system) ram kan ni a, state hrang hrangah party engemaw zat a awm a. Political party zingah national party engemaw zat awmin party tenau phei chu an tam hle.
India ram kalphungah hian party hrang tam hle mahse a khaikhawmtu leh hotu chan chang hi party pahnih an awm a, chungte chu Bharatiya Janata Party (BJP) leh Indian National Congress (INC) te an ni. BJP kaihhruaina hnuaia party hrang hrang intelkhawm chu National Democratic Alliance (NDA) tih an ni a, Congress kaihhruaina hnuaia intelkhawmte chu United Progressive Alliance (UPA) tih an ni thung. Mahse tunhnaia eptu party hrang hrang kalkhawmte chuan nakum Lok Sabha inthlanpuia tangho turin Indian National Developmental Inclusive Alliance (INDIA) an din thar leh a. Tun dinhmunah chuan BJP leh Congress kaihhruaina ve ve tho anih hmel.
Mizoramah pawh party hrang hrang te chuan awn lam an nei deuh zel a. Congress party chu UPA a tel chiang sa an ni a, hetih lai hian tuna rorelna chelh mek MNF pawh NDA a tel mek an ni a. Party dang te erawh chuan an hawi lam chiang takin an tarlang lo thung a. Mahse tunhnaiah erawh BJP thawhpui leh thawhpui loh chungchangah inpuhmawhna leh politics a hamthatna lak tumna lam hawi a tam hle.
Tunhnaia BJP hmuhmawhna a awm chhan ber nia lang chu missionary te an chap tak avang te, hnam tlem zawkte tana ngaihmawhawm tak The Citizenship (Amendment) Act, 2019 leh Forest (Conservation) Amendment Bill 2023 passed anih tak vang te niin a lang a. Hei mai bakah thenawm state Manipur a buaina chhuakah Kristian te bitum bika hriatna awm leh Prime Minister in Uniform Civil Code hman thuai a duh thu a sawi vang te niin a lang a. Heng an hmalakna hrang hrang hi hnam leh sakhaw tlem zawkte tan chuan a hlauhawm nia a lan avangin BJP hmuhmawhna hi a lo awm ta niin a lang.
Engpawhnise harsatna a awm a nih loh chuan kumin kumtawp hian kan rama roreltu tur kan thlang dawn a. BJP thawhpui hi an party in a chhiatphah dawn nia an ngaih chuan tuna NDA a tel mek MNF pawh hian an thawhpui duh kher lo mai thei a, chutih rualin an chhuahsan duh lo mai thei bawk. Engpawhnise kumin kumtawp inthlan loawm turah hian BJP thawhpui leh thawhpui loh chungchang hi kan inbeihna langsar tak pakhat chu a ni ngei dawnin a lang.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024