EDITORIAL : Chapchar kut
![](https://zalen.s3.ap-south-1.amazonaws.com/images/news/1709376003_Editorial.jpg)
Mizote hian kut chi hrang hrang kan nei a, chung zingah chuan Chapchar kut, Mim kut leh Pawl kut te hi a lar zual an ni a. Mim kut hi mitthi pual deuh kut a niin Pawl kut pawh naupang pual deuh a ni a, Chapchar kut erawh mi nawlpui telna anih avangin kan hlut a. Vawiin ni thlengin kut kan neih zinga kan hman uar leh lar ber a ni ta zel a ni.
Kuminah pawh buaina leh harsatna liantham awm lovin Chapchar kut chu kan hmang zo leh thei ta a, a kum telin mipuiin kan hlutin kan uar chho deuh deuh niin a lang a, a lawmawm tak zet a ni. Kan hnung kum engemaw zat kaltaah khan kut kan hmannaah zu leh thildang lekchhuak an awm avangin kohhran lamin an ngaimawh deuh a, engemaw thu inhmu lo lek lek pawh a awm hman anih kha. Mahse tunah erawh Kristianna leh kut hi inrem takin a kal thei tih a lang a, kohhran atangin dodalna a awm lo ta te hi a lawmawm lehzual hle.
Kut hi kan la hmang chho zel dawn tih a lang a, kum tinin a huaihawttu ten mipui hip tam zawngin ruahmanna an siam chho zel a. Chutih karah thupui neiin kut hi hman thin a ni a, kuminah pawh 'Zo nun ze mawi -Tlawmngaihna' tih hman leh a ni a. Nikum lamah kut thupui atan 'Aia upa zah' tih hman a niin thupui tha tak tak nen hman thin a ni a. Kut hmang satliah mai lova thupui pawimawh tak mai inzirtirna nen hman a ni zel te hi a lawmawm lehzual a ni. Chutih rual chuan kan hmanna thin Lammual hian mipui a dawl zo ta lo deuh a, hmun remchang leh tha zawk dap chhoh erawh a tul hle thung.
Kut hi kan Mizo thuam mawi tak tak inbelna leh chawilarna hun atan kan hmang te hi a tha hle mai a. Hetiang kut ni vang thla bak hi chu hakna hun a vang thin a. Thangtharte rilru ah Mizo thuam chawilarna leh nundan mawi inzirtirna hunah kan hmang thei te hi a vanneihthlak a. Chuvangin awmze nei zawk leh hlawk zawka hman tum zel a pawimawh.
Khawvela hnam tin hian kut an nei vek a, hmarchhak state zingah chuan Naga ho kut hornbill festival te hi an chawilar thiam hle a. India ram state dang mai bakah foreigner thlengin mikhual engemaw zat an nei thin a ni. Keini pawhin kan kut te hi kan chawilar a, khawvel hriata kan pholan thiam a pawimawh hle. Hei hian kan zonun zemawi a chawilar phah dawn bakah Mizo incheina mawi tak tak hi khawvel hriata tilartu pawimawh tak anih dawn avangin uar leh mite hip tura hman zel tum ang u.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024