EDITORIAL : Dan tihchak a ngai
![](https://zalen.s3.ap-south-1.amazonaws.com/images/news/1719639283_Editorial.jpg)
Aizawl Mayor Lalrinenga Sailo chuan tunhnaia chanchinbumite a kawmnaah Aizawl khawpuia insaknaah dan bawhchhia an tam thu sawiin heng zingah hian mithiam leh mi hausa an tam tih a sawi a. Mi tam tak chuan dan bawhchhia tih inhre reng mahse sum chawi mai a, insak chhunzawm duh an awm niin a sawi bawk a. Hei hian ngaihtuah a ti thui hle.
Kan hriat angin in sak dawnin AMC atangin phalna neih a ngai a, insakna hmun tur chu hmun him a ni em? Leimin theihna hmun a ni em tih te enfiah hmasak thin a ni a. Chumai bakah in sak dan tur drawing thlenga thehluh a ngai a, in san zawng leh thil pawimawhte tihfel anih hnuah chauh phalna hi pek chhuah thin a ni. Mahse heti chung hian AMC in phalna a pek aia sang te, drawing ni lo anga in sa te an awm tih Mayor thusawi atang hian a hriat a. Heng dan bawhchhiate hi sum leh pai lama harsa lo tak tak te an nih hlawm avangin hmalak a harsa hle tih Mayor thusawi atang hian a hriat a ni. Building/leilaih permit te hi mipui tan a him em? AMC dan a zawm em tihte uluk taka endik anih hnu a pekchhuah thin a ni a, mipui tan a him leh him loh ngaihtuah lo leh dan zawm mumal lova tawng pawng pekchhuah mai tur a ni lo.
Mipuite himna kawnga AMC in theihtawp a chhuah hi a lawmawm a. Hetih rual hian AMC pawh hian mi leh sa an ngah lo hle a, hei vang hi nge ni mipui atang pawhin sawiselna a tam hle a. Tun aia chak zawka hna an thawh theih nan AMC hi thuam chak a, permit pawh an pek zung zung theih nan hmalak a pawimawh hle. Chuti a nih loh chuan AMC hian dem an hlawh zel dawn tihna a ni.
Dan hi kan zavaia thatna tur leh mipui himna atana duan thin a ni, mipui phurrit siamna tur a ni lo a ni. Hetih kara mi luhlul fal, dan pawisa lo an awm hi a pawi tak zet a ni. Aizawl khawpui enkawltu tur AMC dan hi a chak/khauh tawk lo nge hetia mi thenkhat ten an bawhchhe chunga an chunga hremna lek a ni lo hi a mak hle. Hetiang zela kan kal chuan nakin lawkah chuan dan pawisak lohna a piang thuai dawn a, mi hausa leh thil ti thei te chuan AMC hi an en hniam hle dawn tihna a ni.
Chuvangin AMC dan siam te hi tun aia chak leh khauh zawka siam leh lek kawh a ngai tih a lantir chiang hle a. Dan hnuaiah chuan mi hausa leh rethei ang khata en tur a ni a, mi luhlul tute emaw vanga kan pawtsawi fo dawn a nih chuan a fel lo hle ang. AMC hian khauh lehzual zawka an dan siam hi an lek kawh a pawimawh hle a, mipuite pawhin dan zawm hi kan tih tur a ni tih hriaa thu kan zawm hi kan tih tur a ni tih hre thar leh ang u.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024