DOWNLOAD OUR APP

Read latest news on your phone
app-store
EDITORIAL : Zu chungchang
Apr 23, 2023

Chief Minister leh MNF President ni bawk Zoramthanga chuan Thawhtanni kaltaa Hnam Run chhung inkhawma thu a sawina ah Aizawla local cable TV pakhat Zonet chanchinthar April ni 15 (Inrinni 7:00pm) chuan, zu zawrh thlâwptute zingah kohhran rawngbawltute an tel niin a puang a. Hei hi chiang lehzuala puang turin a phut a. Zu zawrh chu MNF party in tha an ti ngai lo niin a sawi bawk.

Zu chungchangah hi inhnialna thlentu tam ber zinga mi a ni a. Mipui ngaihdan a thuhmun thei lo a, khawvel ram hrang hrangah pawh inhnialna a tamin hman atanga vawiin ni thlengin khap duh tu leh thlah zalen duhtu lam chu an la inhnial reng a ni.

Zu hi eng hnam mahin an hmang thiam tak tak lo a, zu vanga tlakranna leh hrisellohna thleng zozai te hi hre reng mahila hnam tin hian mahni tawkah zu kan nei vek a. Mi nawlpui hian a tha lo tih hre mah ila khap rem emaw in lo tura in tih chu thil har tak a ni thung.

Mizote pawh kan pi leh pu atanga zu in thin hnam kan ni a, kut ni leh mitthi awm ni ah te zu an in thin a ni. Chhungkaw tam takin an chhiatpui a, kut inthlak leh insual buaina te, nupa inthennna leh thil tha lo tam tak a thlen chungin vawiin thlengin khap tak tak theih a ni lo.

MNF kaihhruai sawrkar a lo pian khan sawrkar hmasa in dan hnuaia zu zawrh an kalpui chu an titawp a. Mahse vawiin thlengin zu hi khap ni mahse a la zalen em em mai a. A duh tan chuan sap zu (IMFL) pawh duh hun hunah lei tur a awm niin an sawi a. Hei mai bakah Aizawl dai maiah zu zawrhna hmunpui, nitin zu in thin ten an pan huai huai mai a awm bawk a ni.

Tunhnai hun engemaw kalta atang khan Mizo mipa an thi nasa em em mai a, heng zinga a tam ber hi chu zu kaihhnawih niin an sawi a. Hetiang zela kan ram hi a kal chuan hnam boral kan la ni mai dawn. Zu hi kan khap anih chuan na taka khapna hi kalpui nise, chuti a nih loh chuan dan hnuaiah zawrh leh mai nise kan ram hian a thatpui zawk a rinawm e. 

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh