October 30, 2023; Rs. 1,06,90,916 tihchingpen thubuai ah Lydia Lalhruaitlungi, LDC (Muster Roll), Law and Judicial Department a thawk thin chu, Aizawl District Court a Special Judge (Prevention of Corruption Act) Dr. HTC Lalrinchhana'n thiamloh chantir a ni a, kum 4 jail tang tur leh Rs. Nuai 100 chawi turin a hrem.

THUBUAI REMNA KIMCHANG

Tahrik ni 27.10.2023 khan Pi Lydia Lalhruaitluangi, Law and Judicial Department hnuaia LDC (Muster Roll) thawk thin chu mipui sum Rs. 1,06,90,916/- (Vaibelchhe khat, nuai ruk, sing kua, zakua leh sawm paruk) zet a hlemhlet puina thubuai ah section 13 (1) (a), (b)/13(2) of P.C. Act, 1988 leh section 406/420/468/471 of IPC te angin thiam loh chan tir a ni a.

   A hremna tur hi vawiin tahrik ni 30.10.2023 hian court ah ngaihtuah ni in, a hnuai a mi ang hian hremna pek a ni.

Section 13 (1) (a), (b)/13(2) of the Prevention of Corruption Act, 1988 angin kum li (4) thleng lungin tan leh pawisa cheng nuai sawmhnih (₹ 20 lakhs) chawi turin, a pawisa chawi tur hi a neilo a nih chuan kum sawm (10) lungin tan in a tlak ang.

Section 406 IPC angin kum li (4) thleng lungin tan leh pawisa cheng nuai sawmhnih (₹ 20 lakhs) chawi turin, a pawisa chawi tur hi a neilo a nih chuan kum sawm (10) lungin tan in a tlak ang.

Section 420 IPC angin kum li (4) thleng lungin tan leh pawisa cheng nuai sawmhnih (₹ 20 lakhs) chawi turin, a pawisa chawi tur hi a neilo a nih chuan kum sawm (10) lungin tan in a tlak ang.

Section 468 IPC angin kum li (4) thleng lungin tan leh pawisa cheng nuai sawmhnih (₹ 20 lakhs) chawi turin, a pawisa chawi tur hi a neilo a nih chuan kum sawm (10) lungin tan in a tlak ang.

Section 471 IPC angin kum li (4) thleng lungin tan leh pawisa cheng nuai sawmhnih (₹ 20 lakhs) chawi turin, a pawisa chawi tur hi a neilo a nih chuan kum sawm (10) lungin tan in a tlak ang.

   Chutihlaiin, hmeichhia fa pahnih enkawl mek a nih ang leh tun hma lamin thiamloh chantirna thubuai a la neih loh avangin pawisa chawi tur tih loh a tan reizawng tur te hi a kalkawp (Concurrent) anga. Tichuan, kum li (4) chhung lungin tan leh pawisa cheng nuai za (₹ 100 lakhs) a chawi anga, pawisa chawi tur hi a pe theilo a nih chuan kum sawmnga (50) chhung lungin tan in a tlak ang.

   Pawisa chawitir tur tamlam ah hian Court chuan Prevention of Corruption Act, 1988 hnuaia section 16 na in a phut angin a hlemhletna pawisa tamlam hisap a tuk (Impose) a ni bawk.