Aizawl: MNF Party chuan MPCC President Lal Thanhawla leh a thurualpuite eiruk sum chu Party Fund-ah ah an mamawh lo niin an sawi. Nimina thu chhuah an siamah MNF chuan Lottery sum bo chu MNF puhna ni lovin CAG report ah chiang takin a inziak nia sawiin M/S Mizo Carbon Pvt.Ltd. hminga sawrkar sum Rs 341,65,086/- documents phuahchawp hmanga lak leh cheng nuai 1034 zet lak leh tum peihfel vek tawh chu Central YMA-in an chhui tak avangin an la ngam ta lo niin an tarlang a ni. MPCC President-in CBI koh luha chhuitir a sawi fo chu mipuite bum a tumna mai a ni tiin Lalthanzara eirukna chungchanga ACB-a FIR thehluh pawh a chhan hriat lohin a tawp ringawt niin an tarlang  bawk. MNF chuan zalenna suala kal chhuakte bum anga MPCC President in a sawi chu ‘bum ni lovin anmahni duhthu ngeia ram leh hnam tana inpea zalenna suala chhuak an ni,’ an ti a. Mizoram mipui, Kohhran leh Party zawng zawngten inremna siama lokir tura kan ngen avanga lo kir an ni a. Heng thulawilo a sawi fo hi zalenna sualtute a hmuhsit vang chauha sawi thin a ni, an ti bawk.