July 22; 2022; Chakma Autonomous District Council (CADC) sawrkar a sum hman dik loh thubuaiah, Tuichawng bialtu MLA ni lai Dr. BD. Chakma leh CADC a chief executive member (CEM) nilai Buddha Lila Chakma te bakah midang 11 te Special court in thiamloh a chantir a, hrem an nih dan tur chu Thawhtanni, July 25, 2022 ah puan a ni ang. 

Prevention of Corruption Act , Special Court Judge Vanlalenmawian court thutukna vawiin khan a puang a, thiamloh chantir tak mi 13 te chuan kum 2013-14 chho khan sawrkar laipui atanga hmasawnna hnathawhna tur sum lokal, development fund cheng Vbc. 1.37 chuang chu hlawh atan an lo insem a, chu chu dan kalh a nih avangin thubuai chhui a nih laiin an sum hman hi rulh tur tir vek an lo ni tawh a ni.

Thiamloh chantir takte chuan puh an nihna chu an pha a, hetihlai hian sawrkar atanga sum lokal chu salary advance atan tum engemawzat an la tih an phalo thung a, hei hi an bialchhung mipui mamawhna avangte, damlo inenkawlna leh tul dang vangte a ni ber tih an sawi. Hetianga sum pawtpeng tur hian danin a sawi angin, Larsap hnen atangin phalna an la lo a, dan bawhchiatna a ni tih pawh an hre lo a, salary advance chu engtianga dawng mai nge an ni tih an inhre lo a, an sum pukte  chu an rul leh vek tawh tih an sawi a ni.

Hetiang hi thil awmdan nimahse court chuan autonomous district councils (ADC) dan in a sawi angin, development fund reng reng pawtpeng tur chuan Larsap phalna lak a ngai a, tun tum a sum pawhpen a nih dawnin Larsap phalna lak a nih loh avangin an sum hman chu rul vek tawh pawh nise, dan mit atang chuan pawm theih a ni lo a, diklo taka sum hmanna a nih avangin thiamloh chantir an ni tih a puang a ni.

Court in thiamloh a chantir takte hi kum 2013 atanga 2018 chhunga CADC a member an ni.

Court in thiamloh a chantir te:

1. Amar Smriti Chakma
   S/o Suratho Ranjan Chakma,
   R/o Kamalanagar II, Lawngtlai district
2. Adikanta Tongchangya
   S/o Upendra Tongchangya (L)
   R/o Kamalanagar II, Lawngtlai district
3. Parimal Chakma
   S/o Siddhart Chakma
   R/o Kamalanagar II, Lawngtlai district
4. Susen Chakma
   S/o Jagulukya Chakma
   R/o Kamalanagar II, Lawngtlai district
5. Taranisen Chakma
   S/o Adeydhan Chakma
   R/o Kamalanagar II, Lawngtlai district
6. Shushil Kumar Chakma
   S/o Krista Mohan Chakma
   R/o Kamalanagar I, Lawngtlai district
7. Chitra Kumar Chakma
   S/o Bijuchand Chakma
   R/o Kamalanagar III, Lawngtlai district
8. Buddha Lila Chakma
   S/o Bhadrasen Chakma
   R/o Kamalanagar IV, Lawngtlai district
9. Ajoy Kumar Chakma
   S/o Arjun Chakma
   R/o Kamalanagar IV, Lawngtlai district
10. Buban Kumar Chakma
    S/o Bharat Mohan Chakma
    R/o Kamalanagar III, Lawngtlai district
11. Dr. Buddha Dhan Chakma
    S/o Gunodan Chakma
    R/o Borapansury I, Lawngtlai district
12. Mohan Chakma
    S/o Goyassur Chakma (L)
    R/o Kamalanagar II, Lawngtlai district
13. Ajit Kumar Chakma
    S/o Balabadra Chakma
    R/o Kamalanagar II, Lawngtlai district