March 17, 2023; Dr. HTC Lalrinchhana, Special Judge (Prevention of Corruption) chuan Serchhip excise office eirukna thubuaiah a hun laia superintendent Rongura S/o Darkhuaia (L), Luangmual, Aizawl leh Suakngura, S/o Sangliana P&E Veng, Serchhip, Asst. Account Officer, treasury office, Serchhip-te thiam loh a chantir a, March ni 20, 2023 ah a hremna a puang ang.

Serchhip excise officer hian kum 2011-2017 khan salary bill 106-ah staff-te hlawh ngai renga siam tho siin grand total-ah an lo ziah belhtir thin a, dik lo taka bill an siam zawng zawng Rs. 1,81,58,871/- niin, office pawipangah Rs. 8,10,506/- hman a ni a, a dang zawng chu a pel he nia ngaih a ni. Evidence atanga alan dan chuan Rongura pawisa eiruk hi Rs. 1,73,48,365/- a ni. 

Heng salary bill zawng zawng hi Suakngura Asst. Account Officer hian awlsam tak in a lo pawm sak a, record atanga alan dan chuan Suakngura account-ah hian Rs 41,000/- transfer sak a ni. Bill siamtu Cashier, Sainguri Chenkual hian Rongura tihtir niin a sawi a, a account-ah pawisa lut ve tho mahse Rongura hian office mamawha hman tur pe a a insawi si avangin evidence a awm lo a ngaiin sawrkar witness-ah tantirin a chhuah zalen ta a ni. Sainguri thusawi hi witness dang pahnih pawhin an sawi ve bawk.

He sumchingpen chungchang hi CAG lam audit atanga hmuh chhuah a ni a, excise department lam pawhin enquiry te la in an lo finfiah tawh bawk a ni.