November 8, 2023; Election duty a Assam atanga lokal, Ngopa Middle School II camp a awm, Sabin Nath chu a chin hriat a la ni lo chhunzawm zel a, vawiin ah Ngopa khawtlangin a zawn hna an thawk chhunzawm.

Ngopa khawtlang hruaitute hnen atanga ZALEN thudawn danin, 6th Bn. Assam Police, Sabin Nath (constable No. 10) chu Pathianni zing dar 6:30 atang khan chin hriat lohin a awm a, zu vanga buai thin nia sawi a ni.

Sabin Nath chin ngaihven hian vawiin ah Guwahati atangin 6th Bn. Assam Police a an commandant chuan Ngopa a pan a, a duty pui, Assam police te pawhin Sabin Nath chin hi an ngaihven reng a ni.

Ngopa khawtlang hruaitute sawi danin, Ngopa thenawm khua te leh Ngopa chhehvel a police station leh outpost zawng zawngah information pek vek a ni tawh bawk.