November 6, 2023; Election duty a Assam atanga lokal, Ngopa Middle School II camp a awm, Sabin Nath chu chin hriat lohin a awm mek a, Ngopa khawtlang leh police ten an zawng mek.

Ngopa khawtlang hruaitute hnen atanga ZALEN thudawn danin, 9th Bn. Assam Police, Sabin Nath (constable No. 10) chu nimin zing dar 6:30 atang khan chin hriat lohin a awm a, zu vanga buai thin nia sawi a ni.

VC leh Joint NGO angin a zawn hna thawh mek a ni a, a duty puite pawhin an theih ang angin an zawng mek bawk. Ngopa ah hian 9th Bn. Assam Police te hi mi 92 an thleng a, hmun hrang hrangah camp siam a ni.

Ngopa khawtlang hruaittue sawi danin, Ngopa thenawm khua te leh Ngopa chhehvel a police station leh outpost zawng zawngah information pek vek a ni tawh bawk.