November 12, 2023; Election Commission of India chuan Madhya Pradesh, Chhattisgarh leh Mizoram-a Election Observer 3 chu Election Observer atangin a chawlhtir, an aiawh tur a ruat nghal.

ECI hian Mizoram chhunga Lunglei district-a Expenditure Observer dah, IRS officer Gaurav Awasthi chu complaint awm angin a chawlhtir a, a service bu-ah pawh he thil hi chhinchhiah a ziak lang turin ECI chuan thupek a chhuah.

Media hrang hranga tarlan a nih danin, Lunglei Expenditure Observer Gaurav Awasthi hi inthlan a duty, a bikin candidate-te sum hman dan endiktu officialte tan hrawn a harsa hle a. Candidate-te election agent-te bakah official-te a zah pah lovin engmah thiam lo anga a chhuah bakah hmusit taka ankhum a ching a. Returning Officer-te pawh rilru hrehawm takin a siam niin an sawi.

Hetiang a nih avang hian Lunglei District Election Officer hnenah a huhovin hekna thehluh a ni.