ZALEN September 03, 2026 : Power & Electricity Department (P&E) chuan Aizawl khawpui chhunga electric bill leh smart meter chungchanga harsatna hrang hrang neite tan a bik taka complaint thehluh leh chinfel runpui (special campaign) a nei dawn.

He campaign hi September 7–10, 2026 chhung hian neih a ni dawn a. Aizawl khawpui chhunga bill counter zawng zawngah officer leh staff duty tur bik ruat an ni ang a, a hmunah complaint booth thutchilhin mipui harsatna an lo buaipui dawn a ni.

He hun chhung hian electric bill leh smart meter chungchanga harsatna neite tan hmaichhanah complaint thehluh theih a ni ang a, department officer-te hian chinfel nghal theih ang angte chu a hmunah a chinfel nghal dan an buaipui ang.

Department hotute chuan he campaign hi uluk taka kalpui a nih theih nan Secretary, P&E Deptt. leh Engineer-in-Chief, P&E Deptt. ten complaint booth hrang hrangte hi an vil zui reng dawn bawk.

P&E Department chuan hetiang lama harsatna nei mipuite chu mahni biala bill counter theuhah harsatna leh complaint-te thehlut a, he campaign hi chhawr tangkai theuh turin mipui an sawm.