ZALEN October 31, 2023 : Nimin leh nimin piah lama Mualthuam South, Lunglei district-a Electric Department lamin connection an hlihsak chhungkaw engemaw zat te chu vawiin lam khan connection pek leh an ni.

Mualthuam South atanga ZALEN thudawn danin connection tihtawp sak te hi In 20 chuang an ni a, anni hi electric bill pek theih loh vanga an connection hi tihtawp sak an ni a, mahse, vawiin lam khan connection hi pek leh an ni tawh.

Thudawnna in a sawi danin heng current an hlihsak te hian an bill chu a san em avangin an pe duh lo a, an current chhit leh a bill a inmil niin an sawi a, meter reader chu an mawhpuh a ni. Connection hlihsak an nih dawn hian VC lam pawh hriattir an ni a, thawktu te chuan an khua hi kal chilhin an hlihsak ta mai niin an sawi bawk.