ZALEN January 16, 2026: Engineer-in-Chief, Power & Electricity Department (P&ED) chuan vawiin khan Smart Meter vuah tawh consumer te tana bill siam chungchangah consumer te hriattur a ti chhuak a, bill thar siam a nih dan leh a kalphung te a hnuaia mi ang hian thuchhuah a siam.

January, 2026 thla atang hian Smart Meter vuah tawh consumer thenkhat te tan smart reading (automatic a smart meter in reading a chhinchiah) hmanga bill siam tan a ni tawh a. Heng consumer ho tan hian billing cycle/billing period siamrem ngei ngei a ngai a. Hemi insiamrem thla bik hi billing period thla khat aia rei te a awm a, chumi a nih avang chuan hemi thla bik hi bill a tam deuh tur a ngaih a ni. A hnu a bill kal leh zel tur ah erawh billing period hi thla khat zel a ni tawh ang. Billing period siamrem hi Smart Meter vuah thar apiang te ah a tahtawlin kalpui a ni ang.

Bill period rei avanga vawikhata bill pek harsate tan bialtu SDO te remtihna la in Bill Counter ah installment a pek theih a ni ang.

Zawhfiahduh nei apiang te tan mahni Sub-Division Office ah Office hour chhungin zawhfiah theih reng a ni.