Elon Musk chuan Bernard Arnault khumin khawvela hausa ber dinhmun a rawn luah leh ta - a net worth hi $187 billion zet a ni. Twitter CEO Elon Musk hausakna hi nikum lam kha chuan $tld 137 chauh a ni a, kuminah nasa taka rawn pungin $tld 187 a rawn kai leh tawh tih Bloomberg Billionaires Index-ah tarlan a ni. 

Tun hnai thla hnih chhunga a hausakna punna hi $tld 50.1 a ni a, a chhan ber chu Telsa hlutna a pun leh tawh vang a ni. Musk hian dinhmun sang ber luah leh tur hian luxury fashion brand LVMH founder Bernard Arnault a khum a, ani hian hausa ber nihna hi thla hnih vel chu a luah hman a ni. 

Arnault hausakna hi $tld 185 a ni a, Elon Musk nen an la inhlat chuang lo hle. Elon Musk-a company Tesla hian kuminah nasa takin hma an sawn an, an thanna hi 100%  lai a ni. 

Khawvela hausa ber ber zingah hian - Amazon CEO Jeff Bezos, Microsoft co-founder Bill Gates leh billionaire investor Warren Buffett te pawh an lang leh bawk.