Twitter neitupa Elon Musk leh Facebook lal pa Mark Zuckerberg te chuan cage-a insual an remti tih BBC chuan an ziak ta kulh mai le!

Khawvela hausa ber Elon Musk leh Mark Zuckerberg te hi social media kaltlangin an incho tawn a, an timai mai lo hmel riau leh nghal! Kum 51 mi Elon Musk hian Twitter kaltlangin Mark Zuckerberg chona thu hi a chhakchhuak a, hei hi Zuckerberg chuan lo hmuin, "A hmun tur rawn sawi rawh," a tive nghal riap.    

Facebook leh Instagram neitu Zuckerberg hi Elon Musk chuan chhang let leh nghalin, "Vegas Octagon" ah insual a duh thu a hrilh. 'Cage Fight' neih an remtih dun thu hi BBC meuh pawhin a tarlang a, a thleng ngei lo ang tih sawi theih a ni lo!

Vegas Octagon hi Ultimate Fighting Championship (UFC) an neih thinna hmun a ni a, Las Vegas, Nevada hi UFC tan chuan an hmunpui a ni. He hmunah ngei hian Elon Musk leh Mark Zuckerberg te hi an inkhuainuai dawn a nih hmel hle. 

American sumdawng hausa tawntaw Elon Musk hi a tawng pawr hle a, move bawn turu tak 'The Walrus' te pawh a thiam a nih hmel. 'The Walrus' a hman tawh chuan a hmachhawnte chu an che thei ngai lo a ni awm e!

Kum 39 mi Zuckerberg pawh a awm mai mai bik lo - Mixed Martial Arts (MMA) a training thin! A training hi a hmang chhuak nghal a, tun hnai khan jiu-jitsu tournament-ah hnehnate pawh a chang a ni awm e - pui miah miah dawn. 

An khawsak dan atang hian an inkar boruak a tha lo hle tih hai rual a ni lo a, hemi atan hian an lo inbuatsaih viau te pawh a ni mahna - eng nge thleng zel dawn thlir zel phawt ang.