Khawthlang media te chuan Emily Ratajkowski  leh Pete Davidson te chu an in 'date' niin a tarlang leh ta mauh mai. Pete Davidson hi Kanye West leh Kim Kardashian te inthen hnu khan Kim Kardashian nen hian an in zui nghal chat a, amhse tunah chuan Emily Ratajkowski lam hi a hawi leh tawh niin an sawi. 

Emily Ratajkowski leh Pete Davidson te hi tun hnai khan Brooklyn-ah zanriah an kil dun hmutu an awm nia sawi a ni a, an inhaw lo tih hriat takin an kut te pawh an invawn sak a ni awm e. American comedian Pete Davidson hian fiamthu chauh a thiam lo tih a hriat a, milar hrang hrang a kawp kual ta nual mai. Ariana Grande nen hun eng emaw chen an inzui a, thenkhat phei chuan innei mai tur ang te pawhin an tarlang hman hial a nih kha. 

Kim Kardashian a kawp hnuah American model Emily Ratajkowski nen sawi zawm an ni leh tawh bawk. Kum 31 mi Emily Ratajkowski hi October thla mai khan Sebastian Beer-McClard nen an inthen a, a single tih hi Pete Davidson hian a lo hre leh nghal chat a nih hmel hle!