U.S television huanga che thate hnena chawimawina hlan thin Emmy Award chu sem a ni leh dawn ta a, 'Succession' chuan nomination 25 zet hmuin langsar ber an ni mek. 74th Emmy Award hi September 12, 2022 khian Los Angeles-ah sem a ni ang.  

Nomination tihchhuah takah hian 'Succession' hian hneh takin ro an rel a, mimal pawhin - Brian Cox leh Jeremy Strong te chu Best Lead Actor dawng thei tura chhawpchhuah an ni - namai lo tak an ni. Hei bakah hian category ngaihven hlawh outstanding drama series dawng tura rinkai ber a ni mek bawk. 

Succession (25) hi Ted Lasso chuan a hnaih ber a, nomination 20 lai a hmu. The White Lotus pawh category 20-ah tho a lang a, Hacks chuan dawtin 17 lai a hmu ve bawk. Only Murders In The Building - 17 pawh category 17 zetah a lang ve bawk a, Euphoria (16) pawh award dawng thei tura rinkai zingah a tel bawk. 

Nomination hmu hnem zualte : 
Succession - 25
Ted Lasso - 20
The White Lotus - 20
Hacks - 17
Only Murders In The Building - 17
Euphoria - 16