ZALEN December 12, 2025: Classic Rock Fest ‘25 chu 13.12.2025 (Inrinni) zan dar 7:00 ah Vanapa Hall-ah neih a ni dawn a, rock band tha tak tak 15 zet an zai dawn.

Facebook group pakhat, Classic Rock Ngainatute chuan 2015 atang khan kum tin Classic Rock Fest hi an nei thin a, Covid lai khan tih ngaihna a awm lo a, a bak chu kum an la hloh lo.

Tun tum Classic Rock Fest hi a kum 10-na a nih bakah hmanni lawka rock star ropui thi ta Ozzy Osbourne Tribute a ni nghal dawn a, hei vang hian band te chuan Ozzy hla lar chu an sa kim thawkhat viau dawn a ni.

En man a awm dawn lo a, chutih rualin Civil Hospital, Aizawla damlo harsa zual tan bawm an dawh dawn a, hetah hian mahni remchan ang tawk thlak tur a ni ang.

Rock music ngainatute tan chuan a hmuna kal ngei a manhla viau ang. Mizo leh sap classic rock hla nalh tak tak, kum danga kan la ngaithlak ngai loh te an rawn sa dawn a ni.

Chanhai zawkte tan Phone No. 9436199378 ah tlem lua tam lua awm lo a pek theih reng a, a hmuna pe duh tan bawm leh UPI scan code dah a ni ang.